2017年11月19日 星期日

我唔著呀



早上天氣轉涼,細佬已經開始流鼻水,我就告訴他今早降溫,要穿長褲先出街,但他似乎末吃早餐,心情不佳,同我抝話自己著短褲出門沒問題,氣溫只係昨天差不多,且嫌我煩、捂著雙耳,唔想同我對話😡😡😡我已feel 到自己就發作,所以一言不發返自己房。

呢個時候咁啱出咗街嘅老公剛巧打電話回家,知道件事就說「到時佢病咗,咪罰佢一個禮拜冇得睇youtube。」「吓!」聽到我語氣中藴含不滿,他馬上說:「不過我知你有諗法,你去攪啦!」

我假假地都教人parenting。In theory, 我知道要點處理(唔係用老公的第一條路,而係有第三條路叫第三法,基本上係積極聆聽孩子需要和告訴他我的需要,然後共同找出解決方法meet 到雙方嘅需要。)。不過...不過...我知呢個moment 我係未ready, 細佬也未ready去傾,大家都仍處於👉😡😡情緖波動狀態。

所以第一步我係要regulate 自己情緒先—-observe 吓自己嘅感受,我覺得我當下是既肚餓又忟憎,所以我決定先深呼吸、一邊化個粧一邊比自己情緒平復、然後決定等食早餐果陣先再同细佬慢慢傾。幾分鐘,他就走來發牢騷:「媽咪,你知唔知我好肚餓,落得街食早餐未呀?」「好!我地落咗去先。」(我忍一忍,姑且接受你現在穿短褲出街吃早餐,也不至於會馬上着涼)

份早餐食咗三份二之後,大家滿足了口腹之慾,我就開始講:「媽咪想你着長褲其實係擔心你,你病咗我又要帶你去睇醫生,又要駛錢。你哋病,我又會好唔開心囉,你都見到前幾日家姐病,我都好忟憎啦。而家爹哋想罰您,我唔想囉,因為我覺得你會好唔服氣...」(這句話用了I-messages 的技巧,上過堂的媽咪會知)

他馬上說:「咁你啲parenting notes, 話小朋友想着咩衫,家長就應該比㗎嘛!」(哎呀!原來佢偷睇我某d ppt, 佢真係睇一半唔睇一半😓)

我說:「啊,你覺得你自己應該有自由選擇着乜嘢衫!」「係囉!」「其實我嘅notes ,係叫家長要明白小朋友想着咩衫背後一定有原因,即係你地有個需要。所以我依家想問下,其實你今日唔想着長褲,係咪有一啲原因?」

「係呀,衣柜裡面條條褲着落去都好唔舒服,剩係得一條舒服。」

我說:「原來係咁,咁應該好易解決啫,我有一個提議,你想唔想聽?」

「ok!」

我説:「不如一陣返去,我哋一齊執下啲褲,你話俾我聽邊條係ok, 就今日着咗先。然後我哋一齊晏啲去買多一兩條你覺得會着得舒服嘅褲!

他語氣突然變得和緩:「其實都唔係得一條咯,有兩條都着得舒服嘅!咁我一陣可以換綠色果條....」

Phew😅😅攪掂!孩子每個行為背後都藴藏一個需要,家長自己都係。我接受唔到佢唔着長褲,並非單純是氣他不聽我勸告,而是因為我緊張孩子的健康,而當心平氣和聽孩子訴説他的需要後,竟然是因為褲子穿得不舒服。所以如果用咗老公懲罰方式,只是滿足了父母的需要和快速搞定件事,但孩子的需要卻被忽略。

檢討自己,我其實可以早點去問细佬有什麼原因令他不願穿長褲,不過晨早流流面對他「起哂槓」的態度,我也被情緒淹蓋了!

我這十歲的前春春期(Tween) 孩子已經唔可以再用老公果套賞罰制度,他們開始要尋求自主,掌控自己的生活,這也是成長必經的階段,而父母要做的就是聆聽和尊重彼此需要而解決,不過前設是要攪定最大的敵人—就係父母自己的情緒!

2017年11月4日 星期六

如何選擇合適的教養課程?


坊間的親子教養課程百花齊放,究竟選哪一個好?

我是過來人,當年生了個女後,完全不曉得有正統的教養課程,那個時候好像幼稚園會安排一些由社工主持的講座,同時自己也去進修了一個兒童心理學課程,再接觸了蒙特梭利教育法,然後就買點親子書來自修,但也曾參照過電視SuperNanny Naughty Square 做法,結果發現大錯特錯。

 經多年的尋尋覓覓後,我接受了Parent Coaching認證,也同時接觸到「父母效能訓練課程」,發覺該課程竟然可以將我所推崇的所有育兒心理學理念(包括尊重孩子、同理、接納、欣賞以及引導孩子去自行解決問題)及技巧融為一體,成為一個共廿四小時的教養課程,可以讓新手媽媽以至青少年的家長都可以來學習。後來才發現它原來是所有教養課程的先驅,往後的很多Parenting Program也以此發展出來。詳情可參閱由Gordon 博士太太這篇區別不同教養課程的文章。

如果您已成為父母,但卻從未上過任何教養課程,我相信P.E.T是一個最基本的入門,給予您一套非常科學化的工具,去分析親子育兒問題,往後您閱讀任何一本親子教養書,也會懂得背後的理念是否與P.E.T相符。

有一位參加完四節課的媽咪說:「我想我學了P.E.T, 以後再也不必再看親子育兒書。」

而假如您與子女的衝突已趨白熱化,想快點針對自己的問題找到解決方案,你可以找我進行一對一教練服務。但我依然希望大家都可以上P.E.T作為基本必修課,而且在課堂上與其他媽媽也有更佳的互相學習機會。
父母效能訓練課程#


2017年11月1日 星期三

父母效能訓練(P.E.T.) 視頻

父母效能訓練(P.E.T.)是現時全球首屈一指的教養課程 P.E.T.是由得獎心理學家,三獲提名諾貝爾和平獎的Thomas Gordon博士 所創。自1962年起,全球有45個國家百萬父母受惠。P.E.T.提供經過證實、實用和有邏輯的溝通技巧和問題解決步驟,去應付任何父母和孩子的問題。當今研究證實了Gordon博士所提出的非懲罰性、愛護和尊重的親子育兒模式的效用。

https://www.youtube.com/watch?v=_X2Gp_7naP4


父母效能訓練課程 [2019年5月][荔枝角]

Parent Effectiveness Training (P.E.T.) 父母效能訓練 課程    (2019 年 5 月份 )周四及周六荔枝角廣東話班 父母效能訓練 (P.E.T.) 是現時全球首屈一指的親子育兒課程。 P.E.T. 是由屢獲殊榮的...